Qari wa Misri apongeza mpangilio mzuri wa mashindano ya Qur’ani Tukufu ya Kimataifa ya Iran

IQNA – Qari  kutoka Misri alisifu kujitolea kwa Iran katika shughuli za Qur’ani, akisema kwamba Mashindano ya Kimataifa ya Qur’ani  ya Iran yanafanyika kwa njia bora zaidi iwezekanavyo.

Abdullah Sayed Abdullah, ambaye anaiwakilisha Misri katika kipengele cha Tarteel cha Mashindano ya 41 ya Kimataifa ya Qur’ani ya Iran, alizungumza na IQNA pembeni mwa tukio hilo la Qur’ani.

 Alisema kuwa hapo awali alishiriki katika mashindano ya Qur’ani ya kimataifa ya Qatar na kwamba hii ni ziara yake ya kwanza kuja Iran.

 Alisema kuwa Iran inaandaa mashindano ya Qur’ani kwa njia bora zaidi na inaandaa ipasavyo, jambo ambalo linastahili kupongezwa na kushukuriwa.

 Abdullah alilinganisha vipengele vya mashindano ya Iran na mashindano mengine, akisema kuwa mpangilio na muundo wa mashindano ya Iran ni bora zaidi, na kuna umakini mkubwa wa kuhakikisha kwamba matukio ya Qur’ani yanashughulikiwa kwa njia bora.

 Alipoulizwa kuhusu jinsi alivyopata kuanza kusoma Qur’ani na mtu anayemvutia katika uwanja huu, alisema: "Nilianza kujifunza Qur’ani Takatifu nilipokuwa mtoto kwa kuihifadhi kisha nikafanya mazoezi ya Tajweed. Nashiriki katika mashindano haya katika kipengele cha usomaji."

 Alisema kuwa haimiti qari yeyote maalum anapokuwa akisoma Qur’ani lakini anawapongeza na kuwaheshimu wasomi wote wakuu wa Misri, kama vile Sheikh Muhammad Rif'at, Sheikh Mustafa Ismail, Sheikh Minshawi, Sheikh Shahat Muhammad Anwar, Sheikh Muhammad Basuni, na Sayed Metwally Abdel Aal.

 Kuhusu tathmini yake na ufahamu wa wasomi wa Qur’ani wa Iran, alisema, "Nina marafiki wengi miongoni mwa waqari wa Iran. Jana katika mashindano, nilikuwa na Bwana Hadi Esfidani, ambaye ni rafiki yangu. Pia nilikutana na Bwana Mehdi Taqipour huko Iraq. Zaidi ya hayo, najua pia Bwana Hamed Shakernejad."

 Wasomi wa Qur’ani na wahifadhi kutoka nchi 144 walishiriki katika duru ya awali ya Mashindano ya 41 ya Kimataifa ya Qur’ani ya Iran na kutoka miongoni mwao, wawakilishi wa nchi 27 wamefika kwenye fainali katika sehemu za wanaume na wanawake.

 Fainali, ambazo zinaendelea katika mji mtakatifu wa Mashhad ulioko kaskazini mashariki mwa Iran, zitafungwa Ijumaa kwa sherehe ya kufunga ambapo washindi wakuu watatangazwa na kupokea tuzo.

 Mashindano ya Kimataifa ya Qur’ani ya Jamhuri ya Kiislamu ya Iran yanaandaliwa kila mwaka na Shirika la Awqaf na Masuala ya Sadaka la nchi hiyo.

 Lengo lake ni kukuza utamaduni na maadili ya Qur’ani miongoni mwa Waislamu na kuonyesha vipaji vya wasomi na wahifadhi wa Qur’ani Tukufu.

3491649